صباح الخير/ مساء الخير حسب التوقيت
مين احنا؟
ببساطة احنا مجموعة شباب حبينا نعمل حاجة جديدة في السوق، بدأ مشروعنا بمحل لبيع الزجاج ووقتها درسنا السوق كويس ودرسنا اكتر المتطلبات اللي بيحتاجها العميل بالإضافة للمشاكل اللي كانت دايمًا بتواجه العميل مع تاجر الزجاج الخاص بيه أو اللي بيتعامل معاه.
ومن هنا اشتغلنا على المشاكل دي واللي كان من اهمها عامل الوقت وعامل السعر وعامل الجودة وعامل الالتزام. وبالفعل قدرنا نحقق نجاح بنحمد الله عليه بسبب عدة عوامل اهمها توفيق الله لنا. بعد ما نجحنا والحمد لله في مجال الزجاج فتحنا فروع تانيه وفي مجالات خبراتنا السابقة؛ والمحل الصغير بقى محل كبير والمحل الكبير بقى مجموعة محلات في مجالات مختلفة وهي تقطيع وتشكيل الزجاج والدبل جلاس بمختلف انواعه وقطاعات السيكوريت جميعها بمختلف الاشكال والانواع وتصنيع جميع قطاعات الالوميتال. ودي اجاباتنا على بعض الاسئلة اللي بتيجي دايمًا لينا؛
س/ ليه زوسر كومباني نجحت في وقت قصير جدًا مقارنةً بناس تانيه كتير في السوق؟
ج/ علشان ببساطة راعينا الاحتياجات والمشاكل وزودنا عليهم كلمتنا الواحدة وزودنا عليهم امانتنا في السعر والتربيع وكل شيء خاص بالمهنة، ده غير اننا مبندخلش العميل في تفاصيل كتير، العميل بيشوف اعلى جودة وأنظف خامة بعينه، على عكس غيرنا اللي بمعنى بسيط جدًا "بيعمل من الحبة قبة" للعميل وبيفتكر أن دي شطارة منه، وبعد ما يقبض العربون بقدرة قادر "الشغلانة بتطلع خسرانة معاه"😆.
طيب ليه هتتعامل مع زوسر كومباني؟
وللإجابة على السؤال ده ياريت تقراء الكلام اللي جاي بعناية👇
أولًا ودي نصيحة مننا لحضرتك؛ ياريت لو حضرتك هتعمل شغل عندك "تسأل كويس جدًا على اللي هتشتغل معاه، ودي نصيحة لحضرتك في العموم وتخص أي مجال، وده لأن الصنايعي أو التاجر اللي هتشتري منه أو هيشتغلك في شغل معين، مش هيشوفك غير بطريقتين اولهم أنك زبون عايز يخلص شغلك علشان يشوف شغل غيرك وهنا مش هتفرق كتير التفاصيل.. الطريقة التانية أنك مصدر رزقه اللي ربنا بعتهوله وهيحافظ عليه وهيشتغل في شغلك وهو فعليًا بيراعي ربنا في شغلك"
وبالمناسبة التفاصيل بتاعة الشغل هتعرفها بعدين للأسف بعد ما يعدي على الشغل فترة وقتها هتعرف انت رميت فلوسك في الارض ولا فعلًا عملت حاجة تستحق.
ثانيًا ؛ للأسف أحنا معندناش دليل واحد نقولك أحنا أنهي نوع من النوعين اللي فوق، أحنا عندنا سابقة أعمالنا ودي اللي بتتكلم عننا. فـ هتعمل ايه؟ هتعمل بالنصيحة اللي نصحناها ليك "هتسال على اللي هيشتغلك كويس جدًا سواء أحنا أو غيرنا."
أيه المميز في زوسر كومباني عن باقي الشركات؟
١-ارخص الأسعار، وده لأننا دائمًا مُتابعين حالة السوق العام وعارفين احتياجات العميل.
٢-اسرع وادق وقت للتشغيل، وده لان فعليًا شغلك هيكون عندك في وقت قياسي، لاننا مؤمنين جدًا بمقولة لا تؤجل عمل اليوم إلى الغد، كمان بنراعي وقت العميل جدًا.
٣-أجود الخامات، بالنسبة للزجاج؛.. شغلنا كله من أكبر شركتين لتصنيع الزجاج في مصر، شركة سنجوبال وشركة سفنكس، مبنشتغلش غير منهم وكمان معندناش حاجة اسمها اللي مطلوب يوصل متغير عن الطلب، ال ٦ مم بيوصلك ٦مم مش ٥.٥ مم وال ٥ مم بيوصلك ٥ مم مش بيوصلك ٤.٧ مم.
٤- بالنسبة لشغل الدبل والجورجيا، فاستحالة تلاقي حاجة متقشرة ولا مايلة، وده لأن شغلنا كله تخصيمات كمبيوتر، يعني مفيش مجال للغلط إطلاقًا.
٥- بالنسبة لشغل الالوميتال، أولًا؛.. شغلنا من شركة الشريف على حسن ودي لو سالت عليها هتعرف أن هي افضل شركة تصنيع قطاعات الالوميتال في مصر، واللي بيميز الشركة دي هي ثقل القطاع في العموم. ثانيًا؛.. متنساش اننا بنبيع زجاج فمش بنستخسر في العميل ومش هندخله في تفاصيل أحنا هنوريك معرضنا والزجاج اللي هتختاره هيكون عندك، وفيما يخص الاكسسوارات بنشتغل اكسسوارات ايطالي وبرتغالي منعرفش الاكسسوارات الصيني دي شكلها ايه 😵 . ثالثُا؛.. بيكون معاك ضمان على شغلك وصيانة مجانيه لمده سنتين وصدقنا "مش هنجيلك لمده سنتين لأن فعلًا مفيش حاجة عندك هيجرالها حاجة"،
رابعًا؛.. زي ما قولنا وشرحنا فوق 👆 أحنا مبندخلش العميل في تفاصيل، بنتفق على سعر المتر شامل كل حاجة، وده علشان نضمن أعلى جودة لشغلنا، لان شغلنا عنوانا، فتاكد أننا مش هنوقفلك شغل ونقولك المفصلات خلصت ولا الصفاية بايظة ولا الرول بايظ ولا المقابض فيها مشاكل ولا هنقولك انت متفقتش على السلك والمقابض 😆 .. "وأنها اشياء لو تعلمون مدى ارهاقها فمش هتعملوا شغل اساسًا " .. 😂😂😂😂
٦- بالنسبة لشغل السيكوريت، هقولك اقرأ النقطة رقم ( ٣ ) كويس، وبعدها هقولك أن نظامنا في السيكوريت بيختلف عن أي حد تاني بمعنى، أحنا بنتفق على الزجاج فقط وفيما يخص الاكسسوارات بنقول لحضرتك أحنا محتاجين أيه وحضرتك بتنزل تشتري بنفسك، ووقتها هتسمع اسعار كتير وقرار الشراء بيكون على حضرتك وعلى عاتقك انت، يعني لو استخسرت في السعر "يبقى اللوم على حضرتك" ولو جبت حاجة نضيفة هتكون مزهول من الشغل فعلًا.
٧- يوجد خدمة توصيل، يعني مش هتشيل هَم نقل ولا تعب والتوصيل بيكون بسعر رمزي جدًا.
والعديد والعديد من المميزات اللي هتكتشفها بنفسك لو قررت تتعامل معنا.
======= ======= ====== ====== ======
لمزيد من التفاصيل برجاء الضغط هنا 👇
>>> أضغط هنا <<<
تعليقات
إرسال تعليق